MyPE

Community Business Directory, Event Listings, News and Views from Gqeberha, Nelson Mandela Bay

Is Korttermynverhurings Nog Steeds ’n Veilige Opsie? – MyPR.co.za

By

Is Korttermynverhurings Nog Steeds ’n Veilige Opsie?:

Suid Afrika, November 2020 – ’n Onlangse voorval by ‘n gastehuis in Kaapstad het ernstige besorgdheid veroorsaak vir verhuurders wat korttermynverblyf aanbied, veral met betrekking tot hul vermoë om ‘n nie-betalende huurder uit te sit.

In hierdie spesifieke geval het ‘n aantal mense ‘n huisvesting gehuur (wat op Airbnb bespreek is) en te midde van tonne sosiale media-publisiteit, het hulle aan die einde van die ooreengekome termyn nie die besetting verlaat nie.

Paul Stevens CEO Just Property. Photographer: Just Property

Daar was vele besprekings oor die vraag of die wette op die voorkoming van onwettige uitsettings en onwettige besetting van grond, 19 van 1998 (“PIE”) van toepassing sou wees op ‘n geval soos hierdie, asook of daar ‘n verpligting op ‘n verhuurder is om veilige huisvesting aan mense te verskaf wat dit nie kan bekostig nie, en uiteindelik of huishoudelike huur steeds ‘n veilige en winsgewende besigheidsopsie vir eiendomseienaars is.
“Toe huisvesting die mark betree, was daar ‘n ontploffing van belangstelling van kopers wat die gewildheid van hul huurmodel vir kortverblyf wou benut,” sê Paul Stevens, uitvoerende hoof van Just Property, die grootste huuragentskap in Suid-Afrika.

“Min het ‘n scenario verwag waar ‘n huurder na afloop van die ooreenkoms nie die eiendom sou ontruim nie, of selfs so ver gaan om van die goedere op die perseel te steel. Ongelukkig het baie eienaars daarna ontdek dat dit nie ongewoon is nie. Beteken dit dat daar geen lewensvatbaarheid in die koop-tot-huur-mark is nie? Glad en beslis nie. Verhuurders word egter aangemoedig om te verseker dat hulle voldoende verseker is en weet waar hulle met betrekking tot die wet staan. Wat uitsettings betref, het huurders regte, asook verhuurders.”

Cilna Steyn van SSLR Inc. (’n firma van prokureurs, notarisse en aktebesorgers) sê: “As ons praat oor korttermynhuur in die konteks van vakansie- of sakereisverhuring, word akkommodasie aangebied met die veronderstelling dat die eiendom tydelik bewoon sal word. Die rede vir die akkommodasie-ooreenkoms is nie om op die perseel te woon nie, maar om slaapplek te hê en om miskien vir ‘n spesifieke tydperk daar te eet. Regspraak is baie duidelik dat die ‘PIE’ nie in hierdie gevalle van toepassing sal wees nie.”

Steyn beklemtoon die uitkoms van verskeie hofsake wat hierna verwys, veral Barnett en ander teenoor die Minister van Grondsake en ander 2007 (6) SA 313 (SCA). “In hierdie geval het Regter Brand ‘n baie pragmatiese benadering tot hierdie vraag gevolg en eenvoudig gesê dat ‘PIE’ slegs aanslag kan vind wanneer iemand uit hul ‘huis’ gesit word. Vakansieverblyf of sakereisverblyf kan nie as ‘n ‘huis’ beskryf word nie, maar eerder tydelike akkommodasie wat gebruik word deur iemand wat ‘n ander permanente woonplek het.”

Steyn merk op dat daar ‘n algemene wanopvatting is oor die uitdrukking “langtermynhuur”. “Ingevolge die wet word ‘n langtermynhuur gedefinieer as ‘n huurooreenkoms met ‘n termyn van langer as 10 (tien) jaar. Dit is ‘n ooreenkoms wat deur spesifieke wetgewing gereguleer word en dit moet by die Aktekantoor geregistreer word. Hierdie soort registrasie skep ‘n saaklike reg in plaas van die persoonlike reg wat ‘n gewone huurooreenkoms skep.”

Wanneer huurders ‘n primêre woning huur, is dit nie ‘n langtermynhuur soos hierbo beskryf word nie, of ‘n korttermyn-vakansie- / sakereisverhuring nie. Die ooreenkoms is vir ‘n tydperk van minder as tien jaar en die huurder gebruik die eiendom as ‘n woonplek. “In hierdie gevalle is ‘PIE’ relevant en sou ‘n huurder in so ‘n huurooreenkoms uitgesit moet word, sal die uitsetting ingevolge die riglyne van ‘PIE’ gedoen moet word,” sê Steyn.
Verhuurders is dikwels huiwerig om uitsettingsprosedures te begin as dit by baie korttermynverhurings kom. “Alhoewel die proses effens anders en verkort is omdat ‘PIE’ nie van toepassing is nie, moet die uitsetting steeds die volledige hofproses volg, en sodanige verrigtinge moet begin sodra ‘n huurder nie betaal of die eiendom ontruim nie,” beveel Steyn aan. Stevens voeg by: “Om hierdie rede moet enige verhuurder wat by sulke verhurings betrokke is, ‘n vennootskap met ‘n prokureursfirma wat spesialiseer in uitsettings sluit, sowel as met ‘n gerespekteerde en ervare bestuursagent wat kan help met die daaglikse bestuur en wie kan verseker dat enige probleme so vinnig en effektief as moontlik hanteer word.”

“Soveel as wat daar korttermynhuurrisiko’s bestaan, geld dit ook vir normale- en langtermynhuur, asook vir die huur van kommersiële, kleinhandel- en nywerheidseiendomme,” sê Steyn. “Alle sakeondernemings bevat risiko’s, en die verhuring van eiendom is geen uitsondering nie.”
“Die onlangse saak beklemtoon die voordeel om van ‘n bestuursagent met ‘n ervare geskiedenis in die industrie gebruik te maak,” sê Stevens. “Ons verhuurders het toegang tot veilige, noukeurig voorbereide huurkontrakte, opgestel deur professionele persone met kennis van die goeie sowel as die slegte kant van die bedryf. Ons bestuursagente evalueer ook alle voornemende huurders deeglik en bestuur huurgeldinsameling, sowel as die instandhouding van die eiendom.”

Steyn sê dat probleme ontstaan wanneer die siftingsproses verwaarloos word. “In die geval van korttermynverhurings se betaling, is daar die aanname dat kredietgraderings en betalingsgedrag nie alte relevant is nie, want die persoon sal slegs vir ‘n kort tydjie op die perseel wees. Dit kan nie verder van die waarheid wees nie. In-diepte ondersoek van huurders is net so belangrik in ‘n korttermynhuur ooreenkoms as in enige ander vorm van huur.”

Ongelukkig is korttermyn huurooreenkomste gereeld so eenvoudig soos die klik van ‘n muis op ‘n app. Steyn se advies is om ‘n volledige en diepgaande huurooreenkoms te sluit, ondanks die kort duur van die verblyf. Korttermynhuurooreenkomste kan sekere bepalings van die Wet op Verbruikersbeskerming, sowel as die van ‘PIE’, spesifiek uitsluit. “‘n Gedetailleerde huurooreenkoms beskerm albei partye en dit sal sorg vir ‘n baie suksesvoller en stresvrye transaksie,” sê sy.

“Kennis is mag,” sê Stevens. “Baie eienaars van huisvestings en vakansiehuise kan wonder of dit die moeite werd is. Dit is beslis. Met verloop van tyd bied sulke beleggings, as dit noukeurig gekies en bestuur word, langtermyninkomste en waarde. In plaas daarvan om paniekerig te raak, doen moeite om die beste regsadvies in te win wat jy kan bekostig. Vra ‘n professionele verhuringsagent om advies oor die ondersoeking van voornemende ‘gaste’ / huurders en laat hulle na jou huurkontrak kyk. Beter nog, stel ‘n goeie agent aan om jou beleggingseiendom vir jou te bestuur.”

Vir meer inligting oor Just Property besoek gerus www.just.property of skakel (087) 004 0147.

Cilna Steyn van SSLR Inc.

 

Video: Is Korttermynverhurings Nog Steeds ’n Veilige Opsie?

More Info on Is Korttermynverhurings Nog Steeds ’n Veilige Opsie? here: https://just.property/blog/
Twitter:
Facebook:

CLICK HERE to submit your press release to MyPR.co.za.

Source: MyPR.

The following two tabs change content below.

Port Elizabethan

This author is a 'catch-all' for occasional articles and letters written to MyPE. The Author of each article can be found in the signature at the bottom of each individual article.